بسم الله الرحمن الرحيم
السلام عليكم و رحمة الله و بركاته
اهلا بحضراتكم في مدونتنا ,و يارب نكون بنقدم معلومات مفيدة و تنال إعجابكم
نكمل معاكم انشطة حرف الألف ,و نشاط النهاردة هو تكوين حرف الألف بالصلصال
طبعا مفيش طفل ميعرفش الصلصال سواء شافه في الاعلانات أو استخدمه في الحضانة أو البيت
و حاليا بقى في انواع صلصال آمن على الأطفال ,و لكن يفضل برده يكون تحت إشراف الأم أو المدرسة
اللعب بالصلصال له مميزات كثيرة جدا
لما الطفل بيمسك قطعة صلصال في ايده , و يبدأ يشكل فيها مهما كان الناتج , و لكن هو بكده بيمرن عضلات ايده , و بيقويها , و ده يندرج ضمن تنمية المهارات الحركية الدقيقة .
الصلصال برده بينمي حاسة الأبتكار و الأبداع , خلي الطفل يتخيل اي شيء عايز ينفذه , و شجعيه مش شرط صورة قدامه
طريقة تنفيذ النشاط
حنطبع صورة حرف الألف اللى في المرفقات ,و نضعها في فايل شفاف زي ما قولنا في الموضوع السابق بحيث يبقى النشاط معانا اطول فترة ممكنة
و حنقدم جمبها صلصال طبي , و نبدأ احنا نعمل شكل حرف الألف , و هو يعمل معانا , و بعدين بلون تاني من الصلصال يعمله لوحده و نخليه يكونه بالطريقة الصحيحة للكتابة
و الى اللقاء في موضوع آخر
No comments:
Post a Comment